back

NYOMTANNDE ƊIMMERE DEN

next

 

 

koko fefindaa dambaa e Sii’a wondema ɓe wi’ii saydnaa Jibiriilu (O)faljuno tellingol wahyu on e Nelaaɗo (S.A.W):

Hino tawaa eko tabiti immorde e finnde julɓeɓen:wonndema Allaahu towɗo oo nelii Nelaaɗo meeɗen Muhammadu (S.A.W) faade e winndere nden o timminirimo nulaaɓe ɓen ɗun non Alghur’aana on yewtii en ɗun, Allaahu towɗo oo daalii:

]يآ أيها النبي إنا أرسلناك شاهدا ومبشرا ونذيرا[

((Ko an yo nelaaɗo anndu no menen men neliima ko’a seediiɗo ko’a wewlinoowo ko’a jertinoowo))([1]).

Allaahu towɗo hino daala: ((Muhammadu ko nelaaɗo Alla))([2]).

]محمدرسول الله [

]هو الذي بعث في الأميين رسولا منهم[

Allaahu towɗo oo daalii: ((Ko kanko woni on neluɗo e ɓen human binneeɓe nelaaɗo iwɗo e maɓɓe))([3]). Hino feenyani julɓeɓen fow wonndema Nelaaɗo Muhammadu ko nelaaɗo immorde ka Alla ko’o timmoode (noto) nulaaɓe makko ɓen,si tawii goɗɗo go’o ari nodditike wonndema Nelaaɗo Muhammadu wonaa nelaaɗo immorde ka Alla o wi’ii wonndema saydinaa Jibiriilu on hoolaaɗo immorde ka Alla fii yottingol nule faade e annabaaɓe ɓen janfike e tottugol nden hoolaare nde Alla hooliimo,o yottini nulalngal e Nulaaɗo e hinole ko’o nulaado e saydinaa Aliyya bun Abii taalib.Sikke woo alaa on wi’uɗo ɗun ko keefeero yaltuɗo immorde e diina Lislaamu, julɓeɓen huɗaymo ko sabu kanko o lunndike Alghur’aana on e ko Ghur’aana yewtikon.

Kadi haray onɗon yeddii huunde lorrayankoore immorde e lorra yankooji diina ɗin (huunde maaporaande) kadi haray o tuumii on mo Allaahu wi’i ko hoolaaɗo on ko Jibriilu,kadi haray o danbii e Alla on tedduɗo mawnuɗo wonndema o nyinnii Jibriilu e hoore goopol makko o deƴƴi gay makko, kadi haray o waɗii Nelaaɗo jattuɗo haghghee ɗimmo mun,kadi haray o udditii danbugal sikke e telemma e wahyu on, ko sabu on janfotooɗo e tottugol o waaway janfaade,e ko woniton buy immorde e nanngale.

Pelletti dambugol sifa ndee finnde diina e goɗɗo yonii ko yaltina ontigi immorde e diina Lislaamu,yonii ko yaltina nden fedde dambo-ore sifa dun ɗoo e goɗɗo immorde e diina Lislaamu on.

Ɗun ɗoole pelletti ko Ahlussunna danbi ɗun e Sii’a e hoore koɓe yananaaɓe (fellu-tuɓe) wonndema sii’aajo alaa nden finnde diina bonnde, ɓe deppitoo e hoore ɗun. Hiɗen fawi yewtude konnguɗI maɓɓe ɗin e fii danbugol maɓɓe ɗin wonnde Sii’a anndina-yɓe kala danbuɗo ɗun e goɗɗo e hoore fenaande haray wanaa o julɗo.

Si tawiino on danbuɗo ɗun e Sii’a ko aaden mo anndaa hay fuy harayno hino welifii,kono non ko hulɓinori danbayɓe ɗun e Sii’a ɓen ko yimɓe maruɓe teddungal,e ɓenɓe tawata nyanndewo hino janngaa kon koɓe winndata ko yimɓe linteteeɓe e jogiiɓe miijooji moƴƴi wonande Lislaamu on, miɗo jantanomaa yoga e maɓɓe:

 

1-Alfakhrurraazii:

oo gorkoɗoo danbii ɗun e sii’a tuma nde o firunoo daalol Allaahu towɗo on:

]لايمسه إلاالمطهرون[

((meemata Alghur’aana on si wanaa ɓen laaɓuɓe([4]) laawotaakolan ndemi anndintinta jangoowo tedduɗo wonnde Ahlussunna tuma goo ɓe danbay e fedde ko boni ɓe wattida e nden fedde Sii’a fii yo koɓe danbikon ɓurtu yaajude e misal ɓe wi’ii fedde hino wi’ee: almuhammadiyyatu ka danbugol e Muham-madu bun abdillaahi bunil Imaamul hasana assibti, ndee fedde ndeɓe wowli ɗoo fii mu’un woodaaka hay fii ɓe dambii ɗun e jamaa, ko wano non

Ibnu taahiru jantorii ni e nder deftere hino wi’ee: (Filfiraghi baynal firaghi), kala woo annduɗo gannduɗuɓe e nder feddeeji diina Lislaamu ɗin haray hino anndi ko honmbo woni Fakhrurraazii e ganndal ngal o mari,si tawii wano oo ganndo danbii goɗɗun e goɗɗo goɗɗowoo miijotaako wanaa goonga kowa-nonon mokala sikkay ko’e daliilu senmbuɗo o tippi si wanaaɗun ghiima (waler) gande ɗen luttata,en adday seedee ndee yewtere.

 

2- Ghurtubii on maaliki-yankeejo:

Oo neɗɗo kadi hino wa’i wa oo mo jantiɗen ko neeɓa wonaa neɗɗo mo anndaa hay fussi,tafsiiru makko on hino tawaa e tafsiiruuji hittuɗi himo jogii nokku toowuɗo e ganndal o winndataa ko yowitii e Alghur’aana on ronkee wattaneede yila e mu’un maa ronkee ƴetteede. Jooninon ko an yo janngo-owo tedduɗo ko honɗun wi’uɗaa e konko Ghurtubii danbi e Sii’a ?

 

3- Ibnu taymiyyatu:

E nder suutannde (juzu’u) aranere makko Mihaajussunna ,o wi’i e nder yewtere makko ka eɓɓindirgol Sii’a e Alyahuuda:Alyahuuda hino anyi saydinaa Jibiriila hiɓe wi’a:ko on woni ganyo amen immorde e malaa’ika’en,ko wanonon Raafida([5]) hino wi’a saydinaa Jibiriila faljuno e fii wahyu on yottini e Nelaaɗo (S.A.W) oo gorko ɗoo hino maridi e Sii’a ko teddi (ko satti) mi torike Alla si tawii koo ko’o danmbi e Sii’a koko selli yo’o yoɓuɓe ko wanonon kadi miɗo torii Alla yo’o yoɓumo si tawii ko nii tun o fefindori kan haala o danmbi e Sii’a ko aldaa e tippude e daliilu woo.

Mi yi’aali neɗɗo ɓurɗo suusude reedu e oo neɗɗo e saakugol keeferaaku, refti iwtiri ɓaawo ɓee on jokkuɗo ɓe e fefindagol wano on wi’eteeɗo:Jabhanu e nder deftere makko hino wi’ee: Tabdiiduzzulaami. E Muhibbu-diini alkhatiibu e ko wa’i wano ɓen. ko wano non jamaa goo hino jokkiɓen hino wi’a Sii’a wanaa julɓe tawde ɓe yi’ii kooko danmbaa e Sii’a immorde e finndeeji bonɗi, ɗi tawata Sii’a sifora kono ɓe annda.

Bakhdaadii wi’ii e deftere mu’un wonnde dagaaki juulugol sii’aajo wanaa juulugol ɓaawo makko kirse makko dagaaki wanaa resugolmo suddiiɗo woni ko dagii, dagantaako sunnayankeejo resugol sii’aajo si tawii ko’e finnde diina maɓɓe([6]). Konon joomiraawo deftere hino wi’ee: Al’ankihatul faasidatu Doktooru Amiiru wi’iri, e dental immorde e wuliiɓe oo mas’ala ko lolluɗo o hatonnjina yanynyeede ɓuri nii.

Ka ɓeydugol ɗon haala en wi’ay wonnde konko ɓee dambi e Sii’a si tawii sellii,haray hatonnjina ka ɗaɓɓen daliil (seedee) fii yeddugol sifa oo neɗɗo (wonugol keefeero) on yedduɗo huunde daruura yankoore ka diina Lislaamu:

1-Ko honto ɓee tippi si dambi ɗun e Sii’a, hiɗen mari haghghee landagolɓe ɗun, yoɓe addan en kaɓe tippi immorde e defte ɗeɓe tippi e mu’un hay siko wootere immorde e defte amen lasliyankooje (tuuginorteeɗe) hara nden yewtere hino windii ton, yarli hara ɓe waɗanay men ɗun?

Si tawii ɓe heɓaali konko hino sembina yewtere maɓɓe enee non tawsi hara ɓe accay fefindagol damba e Sii’a? tawsiɓe accay ɗin konnguɗi maɓɓe ɗi rewraa? kaa doo ɓe accataa? miɗo ɓuri tanƴinaade ɓe accata,ko sabu faandaare maɓeɓe nden ko anndaande.

2-Si tawii hoddiraama gooto e maɓɓe wi’ii ɗun yarli hino selli ka dental fow wi’a ɗun fiitun gooto wi’ii ɗun? kala defte Sii’a lasliyankooje ɗen hino tabintini ko luuti ɗun, e hino defte maɓɓe ɗen ka figh’hu e ka finndeeji diina, hiɗe heewi tew e margaaji (maktabaaji) hiɗe fenynyina wonnde Allaahu towɗo on neli Nelaaɗo Muhammadu (S.A.W) o timminirimo annabaakuuji ɗin, e wonndema saydinaa Jibriilu on ko hoolaaɗo e fii wahyu asama on e wonndema Alghur’aana tedduɗo on fenynyinii wonndema saydinaa Jibriilu ko hoolaaɗo ɗofteteeɗo.

Anndu no Karakhii on jeyaaɗo e imaamu-uɓe hanafiyankooɓe o wi’ii:kobee Alghur’a-ana on tawlee e firugol ko wanonon hadiiseeji ɗin kadi koyo tawle([7]) si tawii luutondire e konnguɗi figh’ha yankooɓe ɓen ka hanafiya-nkooɓe, eneenon jooni Ahlussunna hino yiɗi nde men fenynyinta wonnde hiɓe yiɗi nde Alghur’aana on jokkata konnguɗi maɓɓe ɗin? eneenon hara hakkil hino jaɓa wowlugol ɗun?

Pellitti e hinoton kadi yewtereeji ɗi woɓɓe yewti immorde e ahlussunna e ko luutondiri immorde e nyaawooje e piɓe diina konko tawata hino ɗuuɗi tawa yaadata e sariyaaji diina Lislaamu on,wano faamu (feere) mo Bukhaarii yahi e muuɗun, e misal: O wi’i si ɗiɗo muynidii nagge haray harmii kaɓe jonmbindira. Enee non jooni e hara hino sella ka ɗunɗoo dambee e Ahlussunna fow ?

Ɗun e kookola mu’un meɗen torii yo’on addanmen hay siko gooto immorde e Sii’a wowluɗo wonndema saydinaa Jibriilu faljuno tippini wahyu on e Nelaaɗo me’en Muham-madu ( S.A.W ).

3- Hino tawaa eko tabiti wonnde Imaamu Ali hino ɓurunoo nyiiɓudude e Nelaaɗo e dii ɗowdi mu’un ndin,Imaamu Ali woniino re’inɗo hoore mu’un fii hiwugol Nelaaɗo Alla on e hiwugol diina Alla kan, Imaamu Ali woniino wonkii nulaaɗo, ɗun non koko Ghur’aana yewti en ko laaɓi poy.ko fii honɗun si tawii Nelaaɗo jattuno wahyu on ɗun accaali batte hawre hakkunde makko e Nelaaɗo, ko wa’i wano taƴondiral maa feloore bete ko fanɗi wo ?.

Eneenon jooni e hara Sii’a- e nder taariika maɓɓe immorde e lugguɓe gannde konko lannata-ɓe faamataa ɗun tawata ko yinɓe ɓe Allaahu noti e ɓerɗe mu’un faamata ɗun? si tawiino ɗun ko goonga yi’eteno e nder wonndigal Nelaaɗo e Imaamu Ali wasiyaaɗo makko on, on mo jan e kisiyee woni e mu’un.

4-Anndu no Imaamu Ali (o) nyannde wahyu on tellinaa hari komo duuɓi jeeɗiɗi maa komo duuɓi sappo e fillayeeji ɗiɗi luutondirɗi, eneenon jooni hara o nelete hara komo duuɓi jeeɗiɗi? hari woodii nuliraaɗo ɗii duuɓi e annabaaɓe feƴƴuɓe ɓen attiiɓe Nelaaɗo (S.A.W)?

Hara oo ma’anaa ko tawaaɗo e ma’anaaji mettuɗi faamude?

Ko honɗun heɓi ɓee yinɓe ɓe do’ataa (ɓe ɓattotaako) faamugol ?.

5- Oo Ghur’aana tedduɗo hino wi’a:

]وما أرسلنا من قبلك إلارجالا[

((Men nelaali ko adimaa si wanaa worɓe)) neɗɗo wi’ataake gorko si wanaa hara o helli-faama, e telen duuɓi noogay e jowi, Imaamu Ali hari ko suka wano siforɗen ko feƴƴi koo.

E ko wa’i wano ɗun immorde e piiji duwaaɗi wattaneede yila e mu’un ko attii nde ɓe fefindoo ɓe damba e Sii’aajo gomɗii men fennii ɗen danbale e nder deftere me’en hino wi’ee huwiyyatutta shayyui ɓaawo ɗun hiɗen wi’a, e hino juulirɗe amen ɗen noddinaandu hino ɓantoo e majje e nder julɗeele ɗen jowi nyannde wo, e ko ɓuri ɗuuɗude e tatteeji aduna on hiɗe nodda :

]أشهد أن محمدا رسول الله[

((Mi seedike wonnde Annabiijo Muham-mdu ko Nelaaɗo Alla)).

Ɗee juulirɗe guluuji guluuji noddinteeɗe e muuɗun yonaali seedee fii ndee fefindaare ?. Ɓee hino fawi wowlude wonndema ko wowlirta ɗun ko fii rentagol, ɗoo non en jaabotoɓe ko timmi ko addiɓe wiide ɗun, wi’en: Menen dey men fenynyinay ka noddinaandu amen ((Mi seedike Nelaaɗo Muhammadu ko Nelaaɗo Alla)).

Meɗen filloo ɗun e juulirɗe amen e nder Eroppu e ko hinaa Eroppu.

Ko wanonon e nder ɗen leyɗe ɗe tawata ko sii’a nyaaway noo e muuɗun wano misra wonannde faatimiyyaaɓe ɓen e Irakk wonan-nde buwayhiyyaaɓe ɓen e Iran wonannde Sii’aaɓeɓen e ko hinaa ɗee. Ɓee fefindotooɓe damba e Sii’a ɓe yiɗaa goonga si tawiino ko yiɗuɓe goonga ɓe wakkilatanooko ronndagol sifa ɗee toonye e fefindagol damba e Sii’a, hayfiikala men yejjitaa joomiraaɓe nunɗal ɓen wowlayɓe goongaaji Sii’a wano Sayku Muhammadu Alkhazaalii e nder deftere makko hino wi’ee Difaa’un anil aghiidati e Doktooru Abdul waahid e nder deftere makko hino wi’ee: Baynassii’ati wassunnati.



[1]-Simoore ahzaabi aaya 45.

[2]-Suuratulfathi aaya 29.

[3]- Suuratul jum’ati aaya 2.

[4]- Attafsiirul kabiiru 10/433,daaru ihyaa’itturaasi, Bayruutu 1995, yinɓe Ahlussunna firiri ni. Ahlul bayti (ɓeynguure nelaaɗo) ɓe wi’i ko faandaa e oo aaya ko laaɓal ma’anayankowal ko ɗun woni ((faamata haghiigha Ghur’aana si wanaa ɓen laɓɓinaaɓe immorde e goopi.Seedee mu’un Allaahu towɗo on daalii:

]إنما يريد الله ليذهب عنكم الرجس أهل البيت[

((Anndu ko Allaahu faandii ko pottingol kala soɓe ma’anayankoojo itta gay mon ko onon yo yinɓe suudu Nelaaɗo))

[5]- Ko Sii’a o faandii e Raafida.

[6]- Alfighhu baynal firaghi hello/11.

[7]- Tumagoo ko fireteekon haray hino feenyi e kene ɗun wi’ee firirgol ko feenyi kon,tumagoo haray ko faandaa kon haray hino suuɗii tawa kobee ndaaren aayeeje goo feenyuɗe ka Ghur’aana firitiren on aaya mo ma’anaa mu’un suuɗii, ko ɗunɗoo woni tawlugol, ɗun non hino sella ka Ghur’aana,ko sabu ko ɗun woni firitirgol Ghur’aana yoga e Ghur’aana on, kono sellataa ka hadiise.

  

 

 

index