پينځمه پوښنته

 ولې پر محمد (ص) د صلوة  او درود په وخت د هغه حضرت آل هم په واو سره عطف کوئ او ذکر کوئ او وايئ * اللهم صل علی محمد و آل محمد؟

 ځواب:

 دا خبره منل شوي او مسلمه ده چې د خداي رسول صلی الله عليه و اله وسلم پخپله په خپل ځان د درود استولو طريقه مسلمانانو ته ښودلې ده. کله چې دا ايت (إِنَّ اللهَ وَمَلاَئِكَتَهُ يُصَلُّونَ عَلـٰی النَّبِيِّ يَا اَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً)[1] نازل شو مسلمانانو پوښتنه وکړه چې مونږ څرنګه درود ووايو؟ د خداي رسول وفرمايل (لا تصلوا علی الصلوة البراء) په ما نيمګړے درود او صلوات مه ليږئ. بيا يې پوښتنه وکړه. نو څرنګه درود

 ووايو؟ وي فرمايل: اللـــــــــــــــــــــهم صل علی محمد و آل محمد[2]  د پيغمبر اکرم د اهل بيتو شان دومره لوړ دے چې شافعي په خپل مشهور  شعر کې وايي:

يا اهل بيت رسول الله حبکم  ـــــــــــــ  فــرض من الله فی القران انزله

کفاکم من عظيم القدر انکم    ـــــــ  من لم يصل عليکم لا صلاة له [3]  

ـــ اي د پيغمبر کورنۍ ستاسو محبت فرض دے چې خداي تعالی هغه په قران کې فرض کړے دے.

ــ ستاسو په ستر توب او د مقام په لوړاوي همدومره بس چې هر کس په لمانځه کې په تاسو درود ونه ليږي د هغه لمونځ نه قبليږي.