back

FILLAYEEJI

 

 

 

Remoowo ƴawuwuno ka ɓuri tuuwude e tamarohi fii teɓugolki ko wa’i wa giilol nangimo saba toowugol tamarohi kin, o waawaali tippaade, ɓeynguure makko nden ari fii ndaarugol no’o cippora ɓe lanndii fii ɓoggol juutungol ɓe fotti humugol gorko wembiɗo on hara ko humannde tiiɗunde, tuma nde o humunoo mo ɓeynguure makko nden yamiri yoga e worɓe yo pooɗumo no sattiri ɓe pooɗimo o yani ƴi’e makko ɗen heli o maayi.

Ɓe wi’ani on fulasoojo yurmemo hari ɓalɗe makko ɗen lanni.

(وإذا جاء أجلهم لايستأخرون ساعة ولايستقدمون)

(Si lajal maɓɓe ngal hewtii ɓe nennantaake hay leere ɓe yaccinantaake).

Si wonaa ɗun mimmi yaltinii yimɓe buy uniiɓe e boyli hari koni (humugol ɓe) hay gooto e maɓɓe maayaani.

Janganee mayɗo mon on faatihatu.

Ammaa non imaamu ahmadu ahmadu bun hammbali Almuruuzii alkurasaanii o wonii no woɗɗuɗo jibinannde e jipporde wahyu on e leyɗe lisaamu ɗen, yewtere hino woodi e saykuuɓe makko ɓen, kono heƴataaɗoo, kono non ka rentagol ka waasude gollirgol yewtere makko, sabu woɗɗugolmo gay tutarde lislaamu on.

Ko wano non ko ɓuri ɗuuɗude e saykuuɓe makko ɓen wonaali joomiraaɓe kulol Allaahu e rentaare.

Saykuuɓe maaliki bun anasi:Ko wano non ko ɗuuɗi e maɓɓe hoolaaka .

Ibnu kalakhaan jantike e denndaagal joomiraaɓe siira wonndema neene makko reediimo duuɓi tati.

Ɗun ɗoo hino tawaa e ko waɗi sii’a woɗɗimo,ko hiɓe wattani yiila e diina maɓɓe kan, hiɓe ɗaɓɓita laaɓuɗo jibinannde ko adii huunde fow.

Fillaama gay maaliki wonnde manna o ninsi fota tawde o yamiriino piiji buy ka diina e feere makko o wi’I: Yelike ndemi piyetee lowru lowru kala mas’ala momi addi e feere an.

Haaniino hara mi yamiraali hay fuy e feere an.

Maaliki ninsi e konko’o udditaynoo ((yewtaynoo waɗa ka diina) e feere mun wonaa dey e feere ghur’aana, o ninsii fewndo ko’o maayata, ninsugolmo ko seedee dengi denginnagolmo e ńaawooje makko.

Ńaawooje hino haanaa filliteede ko adii yamirde ɗe goɗɗo, on sikkitiiɗo hoore mun haanaa jokkede.

Ammaa non imaamu saafa’ii:

Heddagol mo ka reedu neene makko ko duuɓi nay wano annduɓe yewtiri non, sii’a yaaraali feere oo neɗɗo ko sabu moɓe jokki on hino laaɓi jibinannde, ko on ɓe anndiri fii anndugol diina Allaahu kan.

Min tigi mi jaɓataa goɗɗo wi’a maaliki wonaa laaɓuɗo jibinannde maa saafa’ii komi ɗaɓɓata ɗaɓɓata ko tabutugo e goonga on.

Ammaa non muhammadu bun hasan asshaybaanii, e abuu yuusufu e yaaghuub bun ibraahiima ibnu habib ɓee ɗiɗo wonndii e abuu haniifatu e jannganaakuuɓe makko ɓen ɗiɗo, ɓe ƴetti e makko ƴaawooje buy, ɓee ɗiɗo woniino waɗanayɓe lanɓe naafighiyaagal.

Anndu no abuu yuusufu o wonndii e yimɓe tato, mahdii e haadii e rasiid.

O woniino himo addira ńaawooje no ɓee ɗoo yiɗiri non, himo jokka beleeɗe ɓee.

E hino e nder taariik baghdaad:

Gay abii yuusufu wonndiiɗo abii haniifa o wi’i:

Ńannde go’o mi waalike ka ndaɗɗudi an tun minani goɗɗo hin tappa baafal ngal tappannde sattunde,o yalti  tawi ko harsamatu bun a’aun o wi’i:

Jaabo amiirul mu’uminiina, waɗɗimi bakalewa anmban mi yayi komi hulɗo haa mi hewti galle makko ɗen tawi miɗo weltii mi lanndiimo ko honmbo woni ka amiirulmu’uminiina ? o wi’i :Iiisa bun jaafar, mi naati tawi himo jooɗii e hino senngo makko Iisaa bun jaafar mi salmini mo jooɗii, rasiid wi’i: Miɗo sikka wonndema men ɗenƴiniima. Mi wi’I non tigi oo ɗoo men non sikkiri o deƴƴi seeɗa, hooti o wi’i: MI noddiima fii yomi seedine e ɗun ɗoo wonndema hino makko korɗo mi torikemo wonndema yo’o okkammo o salii, mi woondirii Allaahu si’o waɗaali mi waraymo o wi’i : Mi yeƴƴitii faadee e iisaa mi wi’animo: Khonto teddungal korɗo on hewti haa tawata a haɗay mo amiirulmu’uminiina waɗu hoore maa hoyɗo sabu makko? Hooti o fuutomaa no woniriwoo.O wi’o:

Mi heńinoke feloore hino waɗɗiimi ko adii a nndude ko woni ka an.

Wi’umi ko honɗun woni ɗun?o wi’i:Anndu no fawii lan woondoore fii seerugol e renndungol e sadaka mi alaa ɗun mi yeyaataa oo korɗo mi okkataamo.

O yeƴƴitii faadee e rasiid o wi’i: Yarli hiɗa mariɗoo yaltirgal?

Mi wi’i:Hiihi. O wi’i: Ko honɗun woni ɗun?

Wi’umi o okkete feccere makko nden, o yeeye feccere makko nden, o wona o yeeyaalimo o okkaalimo.

 IISAA wi’i: Ɗun hino dagii?

Wi’umi hino dagii.O wi’i:

Seedaneelan mi okkimo feccere makko nden, mi yeeyiimo feccere makko heddiinde nden ,guliiji teemedere.

Rasiid wi’i:

Mi jaɓii dokka ngal mi soodii feccere nden guluuji teemedere diinaar.

Hooti owi’i:

Hino fawiimi korɗo on e jawdi ndin, o addi korɗo on e jawdi ndin, o wi’i:ƴettumo ko an yo amiirul muminiina yo Allaahu barkinane e makko .

Rasiid wi’an:

Abii yuusufu:

Ko an yo yaaghuuba e hino heddi gooto.

Wi’umi ko hommbo woni on?

O wi’i ko jeyaaɗo ko bee ndarndoo ɗen mo mi woondirii Allaahu simi waalodaali e makko e oo jemma ɗoo miɗo sikki wonkii annkin sortoto.

Wi’umi: Ko an yo amiirul muuminiina : Arinɗinay mo jommbaamo, dimo ndarndataake.

 Owi’I:Mi rinɗiniimo ko hommbo resintamimo ? Mi wi’i mo : Ko min.

O noddi masruur e husayni mi ƴami mi ƴetti Allaahu mi resimo debbo on e guluuji noogay diinaar.

Hooti o wi’i: Hino fawiimi jawle ɗun ɗon adda o  jonni debbo on, hooti o wi’i lan (ya’aghuubu) yaltu.

O wi’ani masruur: Nau ka yaaghuuba guluuji teemaɗɗe ɗiɗi dirham e kompule sappo o addanimmi ɗun.

Ɗumayrii jantike ɗun e nder hayaatul hayawaani.

Abuu yuusufu lunndike ɗoo ko feeńi e ghur’aanu e sunna nelaaɗo on o sakki jinaa e faasighaaku tanƴinagol wonndugol e lanɗo on e jawdi. Ko ɗun woni gunndoo tawde abuu yuusufu e saybaanii e ko nanndi e ɓee ɗiɗo ɓe anndaama goɗɗo go’o anndaaka e ɓen ɓe sansaali sariya on, ɓe faggitaaki bonɗi sabu beleeɗe lamɓe.

Wano sa’iidu bun jubayru on waraaɗo, e sa’abii on hulɓinaaɗo, e imaamu ahmad bun hammbali on o piyaama o dummbaa sabu feere nde’o haɗitaaki gay mu’un.

Imaamu maalik o piyaama madiina lowru cappanɗe jeeɗiɗi, balawal makko ittaa sabu ko’o yewtii (o udditi).

Imaamu abii haniifa dummbaama piyaama haa o maayi e nder dummbol ngol ɗun ko misra hari o wonaali waɗoowo melekete yaagal ka lamɓe ɓen wonaa o wonndoowo e lamɓe ɓen, koni o faamiri, ko sanadii bun saahak dummbunoomo.

Ka abuu haniifatu tawti ko wi’uɗen kon ko feƴƴi, ko yiɗugol lollugol maa fii yo’o wi’e ko’o faamuɗo ka diina ko ɗun waɗi simo adda ko lunndii sariya on. Debbo wullitino ka makko sabu moodi mun o torii feere fii yo moodi makko accitumo, o wi’i mo:

Murtu ko ɗun si dewgal ngal firtoo, oo non hino mari piiji buy nanɗuɗi e ndee ńaawoore, immorde e pehe bonɗe danmbeteeɗe e sariya Allaahu on, buy jokkiimo e ɗun wano hanafiiyatu toode ɓee wallifike defte heeriiɗe e fii janfaaji ɗee fow hino ton yeddugol Allaahu, e yeebugol mas’alaaji ńaawooje ɗin.

 tawti ko woni tun immorde e yeddugol nodda e keeferaaku wano woniri e janfa abuu haniifatu.

Maa yaltugol e ɗoftaare wano woniri e janfa abuu yuusufu.

Ɗun ɗoo fow ko yeddugol e faasighaaku e toońe,

((ومن لم يحكم بما انزل الله فأولئك هم الظالمون )):

 ((هم الفاسقون)):

 (( هم الكافرون)):

((Kala mo ńaawiraali kon ko Allaahu tellini kon ɓen woni toońuɓe))

((Ko ɓen woni yaltuɓe e ɗoftaare))

Ko ɓen woni yedduɓe))

Wano ghur’aana yewtiri non.

Gomɗii Allaahu montii yimɓe immorde e ahyahuudu o wattiɓe kulaaji e girayɗi sabuɓe janfike e diina Allaahu kan.

Ɓen jaggitii ńannde tenen, tuma ndeɓe waɗunoo waañirɗun liƴƴi ɗin naati ton ñannde aseewe ɓe yaltiniɗi e ala ɓe wi’i: Men gollaali e asewe.

Gomɗii ghur’aana feññinii monteede ɓee ɗunle, e tawde ɓe noddaali faade ka keeferaaku wonaa jinaa, ko honno e hino le ɗii janfaaji ɗoo pooɗay e jinaa e keeferaaku.

Si tawiino julɓe ɓen woɗɗitinoke sifa ɗii janfaaji pooɗayɗi e waɗugol jinaa ɓe seedataano, e malal ngal huuɓaynoɓe ngal malal ngal fawtiiɗun ɗee ñaawooje, daɗirde alana julɓe ɓen siwonaa sabu jogitagol ńaawooje sariya on no feeñiri.

Hara koɓe woɗɗitiiɓe tawlugol e janfagol, julɓe ɓen waawataa ɗun si wonaa ɓe woɗɗitoo sufa abuu haniifa e abuu yuusuf e janfaaji maɓɓe e waasude anndude deɓe nokkuli ñaawooje sariya on e yeebugol ñaawooje.

Men yi’aali heewi ko men yi’ii e oo jamaa men immorde e ganduduɓe bomɓe ɓen ɓe giggol laamu haɗI ɗun e wonndugol e lamɓe e jaahu fenaandeejo e fenugol e hoore sariya on e yeebugol ńaawooje ɗen e maslahaaji makko, e waseede neɗɗanke nafa annabaaku ngun nguntawayngu ko yurmeende Allaahu.

Goɗɗo woo wonndataa e lamɓe ɓen siwonaa o yeeba diina makko kan e teddungal makko ngal.

Oo neɗɗo jaɓii jombingol oo lanɗo bewɗo korɗo e nder jemma mo’o addi on korɗo o ittimo e juuɗe pullo makko on, on wonnoɗo toraade korɗo on, si o naɓaalimo harayno o reenii liimaanu makko ngun o addimo e ńalɗi edda makko e waasudemo ndardeede si’o aldaa e reedu.

Yuusyfii wi’ii:

Wonndema neene ja’afar jubaydatu bintu ja’afar ɓeyngu rasiid mi winndi faade e abii yuusuf: ko honno yiiruɗaa ɗun ɗoo? kono non ko nii mi yiɗiri yo wonir, on say o yewtiimo no’o yiɗiri non, o lunndii ńaawoore Allaahu nden, onsay o neldimo neldaari mawnundi.

Anndu no diina naafighi immorde e gannduɗuɓe wonnduɓe e lamɓe ɗun ko yeebagol ngeygu fii jawdi, e goonga on ka waasude ɗun ka oo neɗɗo.

Abii yuusufii wi’anaama e fii ńaawoowo salaniiɗo mo ko’o faalaa:

E a jonnay ńaawoore sifa oo neɗɗo? O wi’i:

Anndu no oo neɗɗo o ńiiɓii ka dammbugal an himo ɗaɓɓa haaju mi salii.

Alaa ko nanndi e abii yuusufu si wonaa lamɓe ɓen hannde ko sabu ko waɗanayɗoɓe meleketeyaagal ɓe anndi.

Tklib wi’ii: E nder deftere fasiihu: Rasiid wi’ii: Abii yuusuf mi nanii hiɗa wi’a :Ɓen arayɓe ka maa jaɓanaaɓe haala maɓɓe wonaa tippuɓe e goonga wonaa feewuɓe.

O wi’i ko non woniri yo amiirulmu’uminiina, O wi’i ko honno ɗun woniri? O wi’i ko sabu ommo nder mun selli  (moƴƴi ) hoolaare makko laaɓi o annda taa men men anndataamo, ommo fiyaake mun feeńi kabare makko huncii o arataamen si wonaa men jaɓamo.

Sifa ɓee no hino waɗi haa jooni.

On saa’i rasiid moosi o wi’i a goongi.

Ɗii ko sifaaji mono wonnda e lamɓe ɓen ɗenngal makko ngal  tabitataa e goonga.

Gomɗii katiibu jantike e nder taariika bagdaad e ko hinaa oo sifaaji abii yuusuf e golle makko ɗe waawataake e sifeede.

Sii’aaɓe ɓen hino mari ɗoo nganto ko haɗiɓe golliraali feere oo maaɗun fillayeeji makko.

Ko ɗun ɗon woni faale amen wonaa yawagol diina oo neɗɗo maa golle makko.

Muhammadu bun jariir attabarii wi’ii ka’o jantii fii abii yuusuf:

Hino reena hadiise makko on yimɓe immorde e yimɓe hadiise sabu ɗuuɗugol gollirgol mo feere makko nden e wonndugolmo e lamɓe.

Tigi tigi on yo ganndo woɗɗito lamɓe ɓen si tawii ko bee o woɗɗitoo Allaahu.

قال عليه السلام:

 ما ذئبان ضاريان  في غنم تفرق رعائها بأضر  من حب  الرياسة ))

(Ommo jam e kisiiye woni e mun wi’ii:

Bonooji ɗiɗi lorrooji e nder dammi ɗi reenooɓe ɗun saakitii lorraali konko fotata e yiɗugol laamu).

Ko ɗun waɗi si sii’a jaabii sifa oo neɗɗo immorde e yimɓe hadiise e yaarayɓe pehe mun immorde e yimɓe beleeɗe wonkii e gollirayɓe diina kan e eɓɓoore mun e yimɓe wonndiiɓe lamɓe e laamu, hiɗen fawii yewtude fiiɗun, yarli moodi ibraahiima oo fillotooɗo jaɓante nganto e woɗɗitagol ɓiɓɓe majuusu e tabintingol diina kan ko ghirritagol lislaamu maɓɓe on, on mo anndaa e haala arabu

Hay seeɗa sattantaa onɗon addugol hadiise itta e jiifa mun.

Ehara on mo jaɓataa hadiisesi wonaa o iwra e yimɓe suudu wayhu ndun hino haani ka woɗɗitee?

E hara on ɓuruɗo yimɓe ɓen anndude ghur’aana on e sunna on e haala arabu kan ko yo woɗɗite? Pelletti peewal heɓotaako si wonaa sabu ndimankaaku feere (tawde ko’a ɗaɓɓitirayɗo hakkil maakin e faare maanden) e accugol jokkugol ko jokkata fii kaari jokki.

E waasude ɓattinorgol sabu howindiiɗi e misal wano aadaaji, yo tawwu en wowlay goonga hay si en hoyay, woɗɗitoɗen meere hay si attay, teddungal alnaa siwonaa Allaahu e nelaaɗo mu’un on e gomɗimɓe ɓen, e woɗɗitagol beleeɗe wonkii, e tikkere siwonaa e hoore lanɗo bonɗo e cuucal e waasude hulugol siwonaa  tikkere alaa nden.

Miɗo torii yimɓe ɓen woɗɗitagol townitagol sabu wonugol arabu.

Min mi jantaaki pehe bukaarii e abuu haniifa fii tawde ko ɓe jananɓe wonaaɓe aaraɓu.

Komi jaɓirta saadigh e baaghir ko sabu koɓe hoolaaɓe, hoolaare maɓɓe e nunɗal maɓɓe e ganndal maɓɓe e reeneede maɓɓe gay goopi.

Faandaare alaa e ɗun siwonaa goonga on ko Allaahuahu woni reenoowo on faalaaɗo peewal.

Ko an yo musiɗɗo fillotooɗo hadiise on jantike nder deftere omn.

((Alfalsafatul islaamiiyatu kon ko tawata ƴyi’al mu’un:

Keerol jeeɗiɗaɓol ngol ko konko naati e diina Annasaaranko immorde e bonnereeji.

Gharaaghii wi’ii yo Allaahu yurmemo e nder deftere makko.

(Al’ajwibatul faakhiratu) o ghirritii ɗon ko aldaa e fensutugol yoga e joomiraaɓe taariika ka annasaara (kaaniist dey burtes)

Almaamiyankeejo e ko hinaa oo.

  Hino tawaa e ko ɓuri mawnude e nder diin annasaara ɗun ko nden faggitannde (Buuls) himo wi’ee tuuls, oo neɗɗo yaltinii annasaara en e diina  maɓɓe lasliha kan wano cukulol yaltinrtee e conndi, o liɓiɓe e hoore msiibooji , sabu o woniino yahuudu yankeejo, oo woniino sattuɗo warngo e hare wonannde annasaara ɗun ɗon yonaalimo, o waɗi janfa o hunnjii linnjiila on o yehi e nokku hino ɗon labbejo mawɗo o ɗaɓɓiri on kurkanagolmo o jaabiimo, o feńńini tinnaare e laaɓal reedu e keepingol geeɗe ɗiggere e moƴƴingol haa jamaanu juuti o fini e nder yoga e jemmaaji osonki o feńńini giggol e konko’o yi’i e nder ɗoyngol makko labbejo oo lanndiimo ko waɗi:

O wi’i: Mi yi’ii annabi iisaa o wutti ka nder hunnduko an o hebbini barki e an miɗo tawa e nder an yewtere mi anndaa si tawii ɗun hinaa ka foofaango makko iwi.

O jantii yoga e haala ɓe tawi ɗun ka nder linnjiila fow mu’un ɓe felliti wonndema ɗun ɗon ko sabu bAllaahul annabi iisaa e mawnude barki makko kin.

Labbeejo oo ((karamokoojo)) o wi’i:

Ko min ɓuri hanndude e kurkanagolma, ko an ɓuri hanndude e yaltingol ńaawooje, on saa’i, o woni lolluɗo hikkiɗo yeeso haa o woni lanɗo annasaara en himo juure e nder hitaande nden.

O wi’ani juurotooɓe mo ɓen ńannde go’o:

Annabi iisaa yamiriilan yomi tippo mi iwa ka soorooruɗoo janngo mi hirsy hoore an ka sera fello mi waɗa hoore an ɓattorteeɗo annabi iisaa  ɗun satti e lamɓe ɓen, sabu ko barki makko kin faatotoo kon, e muusugol seedugol e makko, sabo ko’o hirsitotoo kon ɓe waalii e nder jemmaare gite maɓɓe ɗen ommbaaki, ɓerɗe maɓɓe ɗen ko hulɗe haa weet, ɓe naati fii waynagolmo, ɓurɗo mawnude on e lamɓe ɓen woni yeeso, fii yo’o weddor waynagolmo, o wi’aniɓe:

(Wano nii no gasa hara ko buuls).

Min miɗo yahude jooni faade ka masiih (Annabi iisaa).

Anndee gunɗoo mawɗo hino e an miɗo halfinndema mo ko adii mi mayde anndu emmbere makko ɓantu sooro makko on, o wi’imo :

Ko hommbo woni on ko an yo baabiraawo laaɓuɗo?O wi’animo:

Anndu no oo moomaaɗo barki (Annabi Iisaa) ko ɓiɗɗo Allaahu O wi’ani mo:

Ɓiɗɗo Allaahu?: O wi’iɓiɗɗo Allaahu:

Si o wonaano ɗun feeńataano e makko konko feeńi .

 Lanɗo on hoolii ɗun ,hari o nanaali ɗun ko adii nden ńannde.

Hooti lanɗo hakkundeejo on naati ka makko o wi’imo:

Miɗo mari gunnɗoo mawɗo

,Min nonkomi yahoowo faade ka Annabi Iiisaa mi accire oo gunndoo gollirmo.

O wi’imo ko hommbo woni on?

O wi’imo maryama ko sonnaajo Allaahu, lanɗo on hoolii ɗun harile o nanaali ɗun ko adii nden ńannde.

Hooti lanɗo tosooko on naati ka makko o wayniimo, o hollimo wonndema Allaahu ko tammo tatiiji ɗin, hooti o yalti ɓaawo ńalorma on ɓantike tawi yimɓe hino darii hino ndaara ko honɗun Buuls waɗata , o yaltiri ka sooro makko himo wattii conci ɓattorɗi ɗin himo jogii laɓi o tippi ka sera fello ohirsitii, tawi winndere nden hino ndaarude mo, lanɗo ɓuruɗo mawnude on yacci e makko ɓaawo wonkii makko kin lannii e seerude e ɓanndu ndun, o ƴettimo fii yo naɓumo ka makko fii barki kin wonu ka leydi makko, lamɓe ɓen ɗiɗo luttuɓe ɓen pooɗondiri e makko fii mayɗo on, o senndimo pecce tati o ƴetti ka hoore nden hikkori ɗon, lamɓe ɓen ɗiɗo pooɗondiri e makko fii ɗun, ɗun woni sabu haa ɓe sunni mo ɓe senndimo pecce tati fii yo senndoore nden fotu on say mo kala e maɓɓe hooti ka leydi mu’un holli finnde diina mu’un wano yewtiranoo non, mo kala e maɓɓe yeddi konngol oya o wi’i:

Oo labbeejo Buuls wi’aali ɗun, Annabaaɓe ɓen addaali ɗun maa defte ɗen ɗun ko keeferaaku gooto kala e maɓɓe, haɓi oya e innde diinaa e ɓattorgol hare e tanpere woni hakkunde maɓɓe, e warindiro sabu kaafaaje maɓɓe e kaafaaje alwahyuuda ko ɗun  wonunoo faandaare Buuls lanni.

Hooti kadi a jantike ko an yo fillotooɗo hadiise ɓaawo ɗun dental wonande Buuls o waawiri sabu maggal bunnugol annasaaranko e waɗugol luutondire, hakkunde annasaara e saakitugol konngol maɓɓe, ko sabu Annasaaranko re’I few ɓe addi fijindaaruuji hersinayɗI e penaale halkuɗe , Annasaarankooɓe ɓen sikki ɗun ko diina Annabi Iisaa,ko danndiiɗo gay ɗun, ko sabu sifa makko nodditotaako Allaahu Nkaaku sarya iwruɗo ka Allaahu hino woɗɗI gay sifa ɗee penaale.

Ngol folwagol e luutondire e nder Annasaarankooɓe ɓen e telen ngayngu andu ko’o ardiraniɓe ko’e telen weldigal e wonndigal, e faamini wonndema ka’o Annasaarankeejo, o ńiiɓidii e ruuɗagol e rentagol fii wota Annasaarankooɓe ɓen sikkito wonaa o annasaara maa o laaɓaa, maa o teddaa, ko sabu ɗun waɗI si’o waawi bonnude yirbina Annasaaranko, o sotti hoore makko e fii ɗun.

Ko an yo musiɗɗo fillotooɗo hiɗen duwaa daginde e hoore men kon ko daginɗe e goɗɗo go’o, sikkitoɗen wonndema gańo lislaamu faandike bonnugol lislaamu on e halkugol julɓe ɓen e ɗalugolɓe sariya maɓɓe on, o feńńini lislaamu o diininori ɗun e hoore naafighaku, o hunnjii hadiise o filli ɗun o jilli ton ko’o faalaa konko wonkii makko suuɗI, o yewti konko luutondiri e diina kan.

Si oo sikke ɗoo waɗii hiɗen duwaa wattannde yiila, hara en jaɓataa hadiise siwonaa iwra e ɓulirɗe wahyu fii yodiina men kan hisu, fii wota en yanu sifa ko Annasaara yani, si tawiino ɓe howindike(ɓe wattanno yila) e Alyahuuda, ɓe hisayno e janfa Buuls oo Alyahuudaajo.

Ańugo majuusi e lislaamu hino ɓuri mawnude e dii ngayngu Alyahuuda wonndema Annasaaranke en duwaaka accirde on faalaaɗo janfaade diina men kan ƴetta hadiise e juuɗe gooto e ɓiɓɓe on onle ko bukaarii e piide misal.

Fatwaaji ɗin iwri e jibinannde sakkitiiɗoo immorde e ɓiɓɓe maɓɓe onle. Ko abuu haniifatu wonaa fii koɓe sikkitaaɓe, ko tawde ko siɓe addii ko seeli, islaamu on ɓuyta baraaji maɓɓe ɗin hay e huunde ka lislaamu. Julɓe ɓen fow hino fota, ɓural alnaa aarabuujo e hoore mo wonaa aarabu,kono non reenagol wota en yanu sifa ko Annasaara aYani e innde diina.

Ko ńaaweten hino selli hay si en fellitaa ko golle neɗɗanke kanko tigi wonaa ƴettugol (anndinagol) diina kan immorde e makko wi’a kala ko’o wowli ko goonga hay siwonaa goonga.

Ko ɗunɗoo woni ko sii’a yaari e mun e faamu.

Ka raɓɓinɗingol:

Wonaa ƴettugol diina kan siwonaa e juuɗe yimɓe suudu Nelaaɗo on ndun suudu wahyu wonaa ƴettugol diina kan immorde e ɓiɓɓe majuusu en.

Kala ko hino jantee fii ganndal Bukaarii e reenaare makko e Abii haniifahewtata nokku Buuls hewtnoo ɗon.

Diina kan hoyirtaa sabu hoyde neɗɗowoo.

Sikke woo alaa wonndema musiɓɓe men julɓe ɓen hino fotti e men e hoore ɗun. Oo jamaanu ɗoo yiɗa siwonaa ganndal. Townitaare e majjere danndataa, mi torike Allaahu hawrinndineede e sawaaba, mi toranike ɗun denndanaangal julɓe ɓen, yo Allaahu tuwɗo on fottinndin julɓe ɓen fow e konngol gootol bela joo en laɓɓinay golleeji me’en ɗin heɓɓitoɗen ko faatii en e golle moƴƴe. Yo Allaahu wallir en tabitude e hoore ko’o yiɗI o yarlii.

Ko karambol jiyaaɗo Alaahu muyni pular torii kala haalika men

nde himmirta haala pular

Ɓantee ndaaron ɗuuɗude  haali pularkono kono fanɗii haa fantii

Ka winndaa e haala pular!!!

                                                                                                               

  

 

index