back

YOLLORDE

next

 

  

﴿ رَبِّ اشْرَحْ لِي صَدْرِي * وَيَسِّرْ لِي أَمْرِي * وَاحْلُلْ عُقْدَةً مِن لِّسَانِي * يَفْقَهُواْ قَوْلِي ﴾.

{Jooma an yananan ɓernde an nden. Hoynanaa mi fiyaake an on. Firtanaami finnde wonunde ka ɗenngal an nden. Ɓe faama konngol an ngol}.

En yettii Allaahu jooma winndere nden, yoo juulu e koohoo meeɗen Nelaaɗo Muhammadu (s a w) e ɓeynguure maɓɓe laaɓunde, ko adii kon:

Miɗo faalaa yo tay ndee deftere laawol mayre on hino hoyi hino weli faamude, hara ko lolluɗun hakkunde winndooɓe ɓen e janngooɓe maɓɓe ɓen, wano mi etori hattirde e mbawdi firtugol finnde niɓɓitunde ka ƴie fighiha nden nde tawat hino wirnanii ko heewi e janngooɓe hatonnjinuɓe e muun, gollitirayɓe kono hara ɓe faamaali.

E nder ngool laawol ɗoo janngoowo tedduɗo on waawaay anndinaade huɓindoo ko heewi e aawooje diina makko selluka kan.

E hoore miɗo suɓii aawooje ɓuruɗe wonndude e nafa ɗe tawata hellifaaɓe ɓen hino hatonnji e majje, si tawii ɓe faalaama ɓeydaade hiɓe waayi yiltitaade e defte ɓuruɗe ndee ɗoo yaneede immorde e defte fighiha lislaamu ɗen e ɓataakeeji gollitirɗi goo.

Wano mi etori hawtindirde e nder ɓernde janngoowo on ganngal fihgiha e ganndal needi..hakkunde gollal ngal o woni waɗude ngal e hakkunde ruuhu maggal on.

Mi senndi wiɗannde nden yewtereeji tati, yewtere aranere nden fii dewe ɗen gila ka julde nde tawata (ko pempal diina kan si tawii nde jaɓaama ko wonaa kayre jaɓete (immorde e dewe luttuɗe ɗen) si tawii nde jaɓaaka ko wonaa kayre jaɓataake) ko kayre woni yiilorde dewe ɗen e ɓernde majje on.

Ɓaawo non julde alaa e ɓaawo laaɓal haray mbaadi wiɗannde nden hino ɗaɓɓi fii hewtugol ka julde yo mi fuɗɗor-si tawii mi gaynii yewtere fii entingol ngol-ko ittata laaɓal ɓanndu immorde e (soɓeeji ɗin) e noonee majji on fow, ɓaawo ɗun mi hikkina ɗon ko artirta laaɓal ɓanndu ngal immordee (laɓɓinayɗi) e noonee majji on fow, haa mi gayna ɗun ɗon fow mi hewta ka julde mi sifori nde no neɗɗo haaniri darorde yeeso jooma makko hara himo laaɓi pos.

Mi hikkini ɓaawo julde nden ko tawata hino wai wano mayre e hatonnjinugol e laaɓal wano korka maa hajju.

Ɓaawo ɗun mi waɗi yewtere ɗiɗaɓere nden gollondiralji jawle yankooji ɗin immorde e ngeygu e soodugol e ko nanndi e muun.

 

Mi yiltii mi waɗi yewtere tataɓere nden fii alhaaliiji hertorɗi neɗɗanke immorde dewgal e cergal e takke e ahadi e woondoore e ko wonaa ɗun.

Mi hikki ɗon yewtere fii yamirgol ko moƴƴi haɗa ko boni, mi timminiri wiɗannde nden fow yewtereeji ɗiɗi huuɓudi.

Tippude e ngol laawol haray winndanɗe ɗen ko nii woni ardude:

Yewtere fii entingol, yewtere fii soɓe, yewtere fii laaɓal, yewtere fii janaaba, yewtere fii fiilayeeru, yewtere fii ɓesungu, yewtere fii istihaada, yewtere fii mayde, yewtere fii salligii, yewtere fii lonngal, yewtere fii taamaamuyee, yewtere fii jabiira, yewtere fii julde yewtere fii julde ɗiɗaɓere nden, yewtere fii korka, yewtere fii hajju, yewtere fii jakka, yewtere fii ghumusu, yewtere fii ngeygu e ko yowitii e fii muun, yewtere fii kirse e waao, yewtere fii dewgal, yewtere fii cergal, yewtere fii takke e ahadi e woondoore, yewtere fii wasuyee, yewtere fii ndonndi, yewtere fii wghfu, yewtere fii yamirgol ko moƴƴi haɗa ko aaa, ɓaawo ɗun yewtereeji ɗiɗi huuɓuɗi ɗin.

Mi naɓii ndee deftere laabi buy fii ndartugol nde ka biroo Aaayatullaahi Seyyidu Ali Huseynii Sistaanii (yo Allaahu reenu mo) Najafu fii fellitugol wonnde hi nde nanondiri e udditanɗe makko ɗen, on biroo ɗon saatii nde no haaniri non fii yo nde hawrondir e uddite makko ɗen.

Ko mi toriiɗo Allaahu yo taw mi waɗii ko mi immanii kon, ko mi yettuɗo ɓen walluɓe lan e ko mi immanii kon, tentinii biroo Seyyidu Sistaanii on Najaf Al Asraf sabu ko o hittini e yurnitagol ndee deftere, miɗo torii Allaahu yo o waɗan e ɓen jonnitirteeɓe talkuru muun ndun ka junngo aamo o wia:

 ﴿ وَأَمَّا مَنْ أُوتِيَ كِتَابَهُ بِيَمِينِهِ فَيَقُولُ هَاؤُمُ اقْرَؤُا كِتَابِيَهْ ...﴾

(Si ko on jonnitiraaɗo talkuru makko ndun ka jungo makko aamo o wia: e hino janngee talkuru an ndun). E yoo waɗu golle an ɗen fii makko kanko tun,

﴿ يَوْمَ لاَيَنْفَعُ مَالُ وَلاَ بَنُونَ إِلاَّ مَنْ أَتَى الَّلهَ بِقَلْبٍ سَلِيمٍ ﴾.

(annde tawi jawdi e ɓiɗɗo nafataa si wonaa on arduɗo ka Allaahu e ɓernde laaɓunde).

﴿ رَبَّنَا لاَتُؤَاخِذْنَا إِنْ نَسِينَا أَوْ أَخْطَأْنَا..﴾  

(Jooma amen wata a nanngir  men si tawii men yejjitii maa men faljii).

﴿ غُفْرَانَكَ رَبَّنَا وَإِلَيْكَ الْمَصِيُر..﴾

(Jooma amen yawtan men ko ka maa woni ruttorde).

Yettoore woodanii Allaahu jeyuɗo winnde nden.

wallifiiɗo on

 

 

 

index